قانون الاصطفاف

إذا صاف في صف بطيء وقمت غيرته، صفك اللي غيرته فجأة يصير يمشي أسرع من اللي انت الحين فيه!!



قانون التليفون

عمرك ما تتصل على رقم غلط ويطلع مشغول!!



قانون التصليح

بعد ما أيديك يتزيتوا من شحم الماكينة، خشمك يبدأ يحك!!



قانون المعدات

إذا وقع من يدك أي شي، تأكد انه بيظل يتـدحرج إلى أن يصل لألعن مكان ما تقدر تطلعه منه!!



قانون الأعذار

إذا تأخرت عن موعد العمل وقلت لرئيسك أن كان عندك فردة كاوتش نايمة ، اليوم اللي بعده فردة كاوتشك ينام !!



قانون المغطس

بعد وضع جسمك في الماء، يبدأ التلفون يرررررن وما يسكت!!



قانون الالكترونيات

إذا أخذت جهاز عند فني تصليح تريد توريه انه ما يشتغل، وقتها يشتغل أخر حلاوة !!



قانون السينما

اللي حاجزين كراسي في النص لازم يجون آخر ناس ويدوسون على رجولك!!



قانون القهوة

أول ماتجيب لك كاس قهوة ساخن، يجي رئيسك ويعطيك شغلة ما تخلص الا لما تبرد قهوتك!!



قانون المصادفات

إذا كنت مع واحد أو واحدة ماتبي حد يشوفك معهم، فجأة كل اللي تعرفهم يطلعون من كل مكان!!